| लोकजागर | फलटण | दिनांक ३ डिसेंबर २०२५ |
सातारा जिल्ह्यातील ७ नगर पालिका आणि १ नगरपंचायत निवडणुकीसाठी मतदान झाले. या मतदानाची अंतिम आकडेवारी जाहीर करण्यात आली आहे. जिल्ह्याची एकूण मतदानाची सरासरी ६६.५९% इतकी नोंदवली गेली आहे.
जिल्ह्यातील विविध क्षेत्रांमध्ये मतदारांचा उत्स्फूर्त सहभाग दिसून आला, विशेषतः मेढा (नगरपंचायत) येथे सर्वाधिक ८४.२३% मतदान झाले आहे. त्यापाठोपाठ रहिमतपूर येथे ८१.२०% आणि म्हसवड येथे ७९.८५% इतके मतदान झाले.
इतर प्रमुख ठिकाणी मतदानाची टक्केवारी अशी आहे: पाचगणी ७७.४५%, वाई ७२.९८%, कराड ६९.९१%, आणि मलकापूर ६८.०५%. जिल्ह्यातील प्रमुख नगरपालिका असलेल्या सातारा शहरात मात्र सर्वात कमी, म्हणजे ५८.५४% मतदानाची नोंद झाली आहे.
या मतदानानंतर आता सर्व उमेदवारांचे भवितव्य मतपेट्यांमध्ये बंद झाले आहे. आता उत्सुकता शिगेला पोहोचली असून, या सर्व क्षेत्रांची मतमोजणी २१ डिसेंबर रोजी होणार आहे. या दिवशी निवडणुकीचा अंतिम निकाल जाहीर होईल.
