। लोकजागर । फलटण । दि. 28 जुलै 2025 ।
फलटण तालुक्यासह शहरामध्ये उत्साहाने साजरी होणार्‍या नागपंचमी सणानिमित्त श्रीमंत अनिकेतराजे मित्र मंडळाच्या वतीने सालाबादप्रमाणे यंदाही बुधवार दिनांक 30 जुलै 2025 रोजी सकाळी 09:30 वाजता पतंग स्पर्धेचे आयोजन करण्यात आले असल्याची माहिती, पैलवान पप्पूभाई शेख यांनी दिली.
सदर स्पर्धेचे उद्घाटन सातारा जिल्हा परिषदेचे माजी अध्यक्ष श्रीमंत संजीवराजे नाईक निंबाळकर यांच्या हस्ते करण्यात येणार असून स्पर्धेचे बक्षिस वितरण माजी आमदार दिपक चव्हाण यांच्या हस्ते संपन्न होणार आहे. यावेळी फलटण नगर परिषदेचे माजी नगरसेवक श्रीमंत अनिकेतराजे नाईक निंबाळकर, फलटण पंचायत समितीचे माजी सभापती श्रीमंत विश्‍वजीतराजे नाईक निंबाळकर, गोविंद मिल्कचे संचालक श्रीमंत सत्यजीतराजे नाईक निंबाळकर यांची प्रमुख उपस्थिती लाभणार आहे.
वेलणकर श्री दत्त मंदिर, शुक्रवार पेठ, फलटण या ठिकाणी स्पर्धेचे आयोजन करण्यात आले असून पतंग स्पर्धेवेळी चायना मांजा वापरण्यास सक्त मनाई असल्याचे आयोजकांच्या वतीने सांगण्यात आले आहे.
