lलोकजागरl सातारा l दि. २० ऑगस्ट २०२५l
सातारा जिल्ह्यातील संगमनगर परिसरात पावसामुळे वाढलेल्या पाण्यात अडकलेल्या सहा माकडांसह त्यांच्या पिल्लांची सुटका राष्ट्रीय आपत्ती प्रतिसाद पथकाने (NDRF) यशस्वीरीत्या केली. या थरारक बचाव मोहिमेमुळे ग्रामस्थांनी सुटकेचा निश्वास सोडला आहे.
मुसळधार पावसामुळे संगमनगर भागात नदी-नाल्यांना पूर आला होता. या वेळी काही माकडे व त्यांच्या पिल्लांना पाण्याच्या प्रवाहात अडकून पडावे लागले. घटनेची माहिती मिळताच स्थानिकांनी प्रशासनाशी संपर्क साधला. त्यानंतर NDRF चे जवान घटनास्थळी दाखल झाले.
विशेष उपकरणांच्या मदतीने पथकाने काळजीपूर्वक रेस्क्यू ऑपरेशन राबवले. जवळपास तासभर चाललेल्या या मोहिमेनंतर सर्व माकडांना सुरक्षित किनाऱ्यावर आणण्यात यश आले. पिल्लांसह माकडे सुखरूप बाहेर आल्यानंतर उपस्थित नागरिकांनी टाळ्यांच्या गजरात जवानांचे स्वागत केले.
या मोहिमेत स्थानिक ग्रामस्थांनीही मदतीचा हात दिला. प्राण्यांच्या जीव वाचविण्यासाठी घेतलेल्या या प्रयत्नाचे सर्वत्र कौतुक होत आहे.
ग्रामस्थांच्या म्हणण्यानुसार, “माकडे दिवसभर परिसरात फिरतात. पाण्याचा प्रवाह अचानक वाढल्याने त्यांना अडकून पडावे लागले. वेळीच NDRF ला पाचारण केल्याने मोठी हानी टळली.”
जिवनासोबत प्राण्यांच्याही सुरक्षेसाठी राबविलेल्या अशा मोहिमांमुळे NDRF विषयी नागरिकांच्या मनात विश्वास अधिक दृढ झाला आहे.
