। लोकजागर । सातारा । दि. 24 सप्टेंबर 2025 ।
स्व. क्रांतीसिंह नाना पाटील सर्वसाधारण रुग्णालयातील बंद झालेल्या किमोथेरपी सेंटरचा आरोग्य विभागाशी पाठपुरावा करून पुन्हा नव्याने प्रारंभ करण्यात आला आहे. या उपक्रमामुळे जिल्ह्यातील कर्करोग रुग्णांना दिलासा मिळणार असल्याचे प्रतिपादन जिल्हा शल्यचिकित्सक डॉ. युवराज करपे यांनी केले.
किमोथेरपी सेंटरचे उद्घाटन जिल्हा शल्यचिकित्सक डॉ. करपे यांच्या हस्ते झाले. यावेळी अतिरिक्त शल्यचिकित्सक डॉ. राहुलदेव खाडे, निवासी वैद्यकीय अधिकारी (बाह्यसंपर्क) डॉ. सुभाष कदम, डॉ. अरुंधती कदम, डॉ. उल्का झेंडे, डॉ. संजीवनी शिंदे व डॉ. प्रमा गांधी उपस्थित होते.
किमोथेरपीवर असलेल्या रुग्णांनी आपले सर्व रिपोर्ट्स व उपचारासंबंधीची कागदपत्रे घेऊन या रुग्णालयातील एनसीडी विभागाशी संपर्क साधावा आणि उपचारांचा लाभ घ्यावा, असे आवाहन डॉ. करपे यांनी उद्घाटन प्रसंगी केले.
