। लोकजागर । फलटण । दि. 0४ एप्रिल २०२५ ।
माढा लोकसभा मतदार संघाचे माजी खासदार रणजितसिंह नाईक निंबाळकर व फलटण – कोरेगांव विधानसभा मतदारसंघाचे आमदार सचिन पाटील यांच्या मार्गदर्शनात फलटण शहर भाजप व राष्ट्रवादी काँग्रेस यांचा एकत्रित फलटण शहरामध्ये प्रभाग पाहणी दौरा सुरु असून या दौर्याअंतर्गत नुकतीच प्रभाग क्रमांक ९ मध्ये पदाधिकारी व कार्यकर्त्यांनी भेट दिली.
फलटण शहरातील प्रत्येक प्रभागासाठी मंजूर झालेल्या 50 लाख रुपयांच्या निधीतून होवू घातलेल्या विकासकामांच्या पार्श्वभूमीवर हा दौरा सुरु असून प्रभागातील मुलभूत सुविधांसाठी जसे की गटर, पिण्याची पाईप लाईन, बोळांचे काँक्रीटीकरण आदी करावयाच्या कामाची पाहणी यावेळी करण्यात आली.
या दौर्यात फलटण नगरपरिषदेचे माजी गटनेते अशोकराव जाधव, भाजप जिल्हा सरचिटणीस जयकुमार शिंदे, जिल्हा उपाध्यक्ष संदीप चोरमले, पश्चिम मंडल अध्यक्ष अमोल सस्ते, सुधीर अहिवळे, माजी नगरसेवक सचिन अहिवळे, अजय माळवे, रणजितसिंह भोसले, फिरोज आतार, राष्ट्रवादीचे फलटण शहराध्यक्ष राहुल निंबाळकर, तानाजी कदम, अजिंक्य बेडके, राहुल पवार, राजाभाऊ शिरतोडे, अॅड. सचिन शिंदे, सुनील घोलप, बंडू भोई, गणेश माने, विठ्ठलआप्पा चोरमले, गोपी चोरपले, विजयराव चोरमले यांच्यासह भाजप, राष्ट्रवादीचे कार्यकर्ते उपस्थित होते.
