। लोकजागर । फलटण । दि. 26 नोव्हेंबर 2025 ।
सेवा भारती पश्‍चिम महाराष्ट्र प्रांत फिरती विज्ञान प्रयोगशाळा आणि संगिनी फोरम जैन सोशल ग्रुप, फलटण यांच्या संयुक्त विद्यमाने आयोजित करण्यात आलेल्या किल्ले स्पर्धेचा बक्षीस वितरण कार्यक्रम 24 नोव्हेंबर 2025 रोजी जिल्हा परिषद प्राथमिक शाळा, विठ्ठलवाडी येथे मोठ्या उत्साहात संपन्न झाला.
दिवाळी सणाच्या निमित्ताने या किल्ले स्पर्धेचे आयोजन करण्यात आले होते. या स्पर्धेत एकूण 130 स्पर्धकांनी उत्स्फूर्तपणे भाग घेतला. पहिली ते चौथी (लहान गट) आणि पाचवी ते सातवी (मोठा गट) अशा दोन गटांमध्ये ही स्पर्धा घेण्यात आली. माजी विद्यार्थ्यांनीही स्पर्धेत सहभाग घेतला होता.
कार्यक्रमाची सुरुवात प्रमुख वक्ते, इतिहास अभ्यासक डॉ. दत्तात्रय देशपांडे यांच्या हस्ते आणि प्रमुख पाहुणे प्रशांत धनवडे, संगिनी फोरम जैन ग्रुपच्या अध्यक्षा सौ. मनीषाताई व्होरा, सचिव सौ. वृषाली गांधी, शालेय शिक्षण व्यवस्थापकीय अध्यक्ष श्री अडसुळ आणि सेवा भारती फिरती प्रयोगशाळेचे प्रमुख पोपटराव बर्गे यांच्या उपस्थितीत सरस्वती प्रतिमेच्या पूजनाने झाली.
उपस्थितांचे स्वागत व परिचय झाल्यानंतर ढेकळे यांनी कार्यक्रमाचे प्रास्ताविक केले. संगिनी फोरम सोशल ग्रुपच्या अध्यक्षा सौ. मनीषाताई व्होरा व सौ. वृषाली गांधी यांनी आपल्या संस्थेच्या विविध उपक्रमांची माहिती दिली.
या बक्षीस वितरण सोहळ्याला वक्ते म्हणून उपस्थित असलेले इतिहास अभ्यासक डॉ. दत्तात्रय देशपांडे यांनी किल्ले कसे तयार करावे, किल्ल्यांचे महत्त्व आणि मुलांमध्ये देशभक्ती व राष्ट्रप्रेम कसे निर्माण होईल याबद्दल मार्गदर्शन केले. तसेच, किल्ले स्पर्धा आयोजित केल्याबद्दल त्यांनी सेवा भारती संस्थेचे आभार मानले.
या स्पर्धेत इयत्तेनुसार क्रमांक आलेल्या विद्यार्थ्यांची नावे खालीलप्रमाणे आहेत:
पहिली: प्रथम- स्वराज्य अमोल खराडे (तडवळे), द्वितीय- अनन्या हनुमंत हराळे (काळज), तृतीय- वरद वैभव खराडे (तडवळे).
दुसरी: प्रथम- संस्कार विक्रम आवटे (तडवळे), द्वितीय- वीर महावीर काकडे (उपळवे), तृतीय- स्वराज संजय डोंबाळे (काळज).
तिसरी: प्रथम- शंभूराजे वैभव खराडे (तडवळे), द्वितीय- सिद्धी गणेश भंडलकर (हिंगणगाव), तृतीय- महेश रणजित जाधव (तडवळे).
चौथी: प्रथम- अर्जुन राजे प्रवीण नाईक निंबाळकर (हिंगणगाव), द्वितीय- अनुष्का गौतम अडसूळ (विठ्ठलवाडी), तृतीय- आयुष्य सागर पवार (तडवळे).
पाचवी: प्रथम- संस्कृती विक्रम आवटे (तडवळे), द्वितीय- स्वराज महेश ननवरे (निंबळक), तृतीय- संग्राम अनिल माने (वाठार निंबाळकर) आणि अनुश्री धीरज काकडे (हिंगणगाव).
सहावी: प्रथम- सुयश दिगंबर कोरडे (विठ्ठलवाडी), द्वितीय- सिद्धी अमोल गायकवाड (निंभोरे), तृतीय- अपर्णा रवींद्र वाघ (विठ्ठलवाडी) आणि संकल्प जमदाडे (विठ्ठलवाडी).
सातवी: प्रथम- श्रेया रवींद्र कोरडे (विठ्ठलवाडी), द्वितीय- शिवराज राजेंद्र मुळीक (वाठार निंबाळकर), तृतीय- संभव प्रदीप शिंदे (वाठार निंबाळकर) आणि ईश्‍वरी जीवन भोईटे (हिंगणगाव).
कार्यक्रमाचे सूत्रसंचालन सेवा भारती, प्रयोगशाळेचे सह प्रमुख स्वानंद जोशी यांनी केले. विद्यालयाच्यावतीने शाळेत हा कार्यक्रम घेतल्याबद्दल दोन्ही संस्थांचे आभार मानण्यात आले. बक्षीस वितरणासाठी सौ. मनीषा व्होरा यांनी मोठी मदत केली. या कार्यक्रमाला 60 मुले, 13 पालक, 11 शिक्षक-शिक्षिका आणि 12 ग्रामस्थ उपस्थित होते.
