। लोकजागर । फलटण । दि. ०३ एप्रिल २०२५ ।
एस.टी. कामगार को – ऑपरेटिव्ह क्रेडिट सोसायटी लि; फलटणच्या चेअरमनपदी सौ. आशाताई जगताप यांची तर व्हाईस चेअरमनपदी हिंदुराव करे यांची बिनविरोध निवड करण्यात आली. सोसायटीच्या इतिहासात प्रथमच महिला संचालकाला चेअरमनपदी विराजमान होण्याचा बहुमान मिळाला आहे.
महाराष्ट्र एसटी कामगार संघटना पुरस्कृत श्रीराम पॅनेलने सोसायटी निवडणुकीत 15/0 ने एक हाती विजय मिळवला होता. त्यानंतर पार पडलेल्या पदाधिकारी निवडीच्या कार्यक्रमात या निवडी बिनविरोध करण्यात आल्या. या निवड प्रक्रियेसाठी केंद्रीय उपाध्यक्ष तथा सातारा विभागीय अध्यक्ष शिवाजीराव देशमुख, सातारा विभागीय सचिव अजित पिसाळ, सातारा विभागीय कार्याध्यक्ष ज्ञानेश्वर घोणे, विभागीय संघटक सचिव सुशांत मोहिते, विभागीय खजिनदार प्रकाशराव पाटील, माजी बँक संचालिका सौ.लाडूताई मडके यांनी मार्गदर्शन केले.
दरम्यान, सदर निवडीनंतर ‘‘येणार्या काळात फलटण सोसायटीचे सर्व संचालक मंडळ सभासदांना आर्थिकदृष्ट्या सबळ बनवण्यासाठी व सभासदांना आर्थिक अडचणीच्या वेळी मदत करण्यासाठी त्यांच्या पाठीशी उभे राहील. कामगार संघटनेचे नेतृत्व जनरल सेक्रेटरी हनुमंत ताटे, केंद्रीय अध्यक्ष संदीपदादा शिंदे यांच्या विचारानुसार सभासद हीत पहिल्यांदा विचारात घेऊनच संचालक मंडळ कामगार हिताचे निर्णय घेतील’’, असे सांगण्यात आले.
यावेळी फलटण आगार सचिव योगेश भागवत, अध्यक्ष बाळासाहेब सोनावले, उमेश निंबाळकर, नवनाथ पन्हाळे, राहुल जाधव, दादासो माने, सीताराम खवळे, दशरथ कदम, बाळासाहेब जगताप, विलास डांगे, सुरेश आडागळे, आप्पासो भोसले, दत्तात्रय कोळेकर, विकास राऊत, बापूराव कोलवडकर, निराप्पा वाघमोडे, निलेश बोधे, सुरेश अडागळे, देविदास निंबाळकर, गणेश सावंत, महेश गोसावी, सुरज तोडकर, गोरख पारखे, गोवेकर मॅडम आदी सभासद बहुसंख्येने उपस्थित होते.
उपस्थितांचे आभार बाळासाहेब सोनवले यांनी मानले.
