| लोकजागर | नवी दिल्ली | २१ ऑगस्ट २०२५ |
माढा लोकसभा मतदारसंघाचे माजी खासदार रणजितसिंह नाईक निंबाळकर यांनी आज पंतप्रधान नरेंद्र मोदी यांची सदिच्छा भेट घेऊन मतदारसंघातील व राज्यातील महत्त्वाच्या प्रकल्पांना गती देण्याची मागणी केली. या प्रसंगी महाराष्ट्र राज्याचे ग्रामविकास मंत्री जयकुमार गोरे उपस्थित होते.
या भेटीत नाईकबोमवाडी व म्हसवड MIDC ला ग्रीन इंडस्ट्रियल कॉरिडॉर दर्जा, फलटण–पंढरपूर रेल्वे मार्गाला भरीव निधी, तसेच मुंबई–बंगलोर महामार्गालगत खटाव तालुक्याजवळ एअरस्ट्रीप उभारणी या कामांसाठी मंजुरी व निधी उपलब्ध होण्यासाठी निवेदन सादर करण्यात आले.
पंतप्रधान नरेंद्र मोदी यांनी या सर्व प्रलंबित विकासकामांना तातडीने गती देण्याचे आश्वासन दिले.
रणजितसिंह नाईक निंबाळकर यांनी माढा लोकसभा मतदारसंघातील जनतेच्या वतीने पंतप्रधान नरेंद्र मोदी यांचे मनःपूर्वक आभार मानले.
