| लोकजागर | फलटण | दि. 4 नोव्हेंबर 2025 |
राज्य निवडणूक आयोगाने अखेर फलटण नगरपरिषदेच्या निवडणुकीचा कार्यक्रम जाहीर केला आहे. या कार्यक्रमानुसार, लोकनियुक्त नगराध्यक्ष आणि नगरसेवक पदांसाठीचे मतदान २ डिसेंबर २०२५ रोजी होणार असून ३ डिसेंबरला मतमोजणी पार पडेल.
निवडणूक प्रक्रियेचा शुभारंभ १० नोव्हेंबर रोजी उमेदवारी अर्ज भरण्याने होईल. १७ नोव्हेंबर हा अर्ज दाखल करण्याचा शेवटचा दिवस असेल. त्यानंतर १८ नोव्हेंबर रोजी अर्जांची छाननी केली जाईल, तर २१ नोव्हेंबरपर्यंत उमेदवारांना अर्ज मागे घेण्याची मुदत असेल.
२६ नोव्हेंबर रोजी अधिकृत चिन्ह वाटप करण्यात येईल. त्यानंतर उमेदवार प्रचारयुद्धात उतरतील. २ डिसेंबरच्या मतदानानंतर दुसऱ्याच दिवशी, म्हणजे ३ डिसेंबरला मतमोजणी होणार आहे.
या घोषणेमुळे फलटण शहरातील राजकीय वातावरण तापू लागले असून, विविध पक्ष आणि गट आपापली रणनिती आखू लागले आहेत.
