फलटण जिल्हा परिषद निवडणुकीत ‘राजे गटाची’ मोठी मुसंडी; ८ पैकी ५ जागांवर शिवसेनेचे वर्चस्व

भाजपला २ तर राष्ट्रवादीला १ जागेवर समाधान; कोळकीतून सह्याद्री कदम यांची विक्रमी मताधिक्याने सरशी

। लोकजागर । फलटण । दि. १० फेब्रुवारी २०२६ ।

सातारा जिल्हा परिषद व फलटण पंचायत समितीच्या सार्वत्रिक निवडणुकीचा निकाल जाहीर झाला असून, यामध्ये शिवसेना (राजे गट) पक्षाने आपले वर्चस्व सिद्ध केले आहे. आतापर्यंत प्राप्त झालेल्या ८ निवडणूक विभागांच्या अधिकृत निकालांनुसार, शिवसेनेने ५ जागांवर विजय मिळवून आपला दबदबा कायम राखला आहे. भारतीय जनता पक्षाने २ जागांवर तर राष्ट्रवादी काँग्रेस पक्षाने १ जागेवर विजय मिळवला आहे.

तरडगाव: येथून श्री. गिरीश सुदाम बनकर ११,०४९ मते मिळवून विजयी झाले आहेत.

साखरवाडी-पिंपळवाडी: या राखीव गटातून श्रीम. रुपाली लक्ष्मण सरगर यांनी १०,९२१ मते मिळवत शिवसेनेचा विजय निश्चित केला.

विडणी: श्रीम. ज्योती गौतम मोरे यांनी १०,९८८ मते मिळवून राष्ट्रवादीच्या उमेदवाराचा पराभव केला.

बरड: येथून श्रीम. कांबळे वैशाली संदिप यांनी १२,३८८ मतांसह मोठा विजय मिळवला.

कोळकी: या हायव्होल्टेज लढतीत शिवसेनेचे श्री. सह्याद्री सुर्याजीराव उर्फ चिमणराव कदम यांनी १२,७८९ मते मिळवत भाजपच्या उमेदवाराचा पराभव केला.

वाठार निंबाळकर: येथून भाजपचे श्री. विष्णू किसन लोखंडे १२,६५८ मते मिळवून विजयी झाले.

हिंगणगाव: या विभागात अत्यंत अटीतटीची लढत पाहायला मिळाली, जिथे भाजपचे श्री. किरण निलेश नलवडे (११,२२४ मते) यांनी शिवसेना उमेदवाराचा अवघ्या १७८ मतांच्या फरकाने पराभव केला.

गुणवरे: या एकमेव जागेवर राष्ट्रवादी काँग्रेस पक्षाने (NCP) यश मिळवले असून, श्रीम. ऋतुजा अभिजीत जगताप १२,६८५ मते मिळवून वैधरित्या निवडून आल्या आहेत.