मंत्रालयातील आढावा बैठकीत मंत्री शंभूराजे देसाईंचे अधिकाऱ्यांना निर्देश
। लोकजागर । मुंबई । दि. २८ फेब्रुवारी २०२५ ।
महाबळेश्वर परिसरातील पर्यटन विकास महामंडळाच्या जागे संदर्भात सर्व शासकीय सोपस्कार पूर्ण करून तात्काळ विकसित करण्याचे निर्देश राज्याचे पर्यटन व खनीकर्म व माजी सैनिक कल्याण मंत्री शंभूराज देसाई यांनी दिले. मंत्रालयातील दालनात शुक्रवारी घेतलेल्या आढावा बैठकीत वेळी ते बोलत होते. यावेळी पर्यटन विभागाचे व्यवस्थापकीय संचालक मनोजकुमार सूर्यवंशी, संचालक बी. एन. पाटील तसेच दूरदृश्य कार्य प्रणालीवरून सातारचे जिल्हाधिकारी संतोष पाटील व सर्वप्रमुख विभागाचे अधिकारी उपस्थित होते.
महाबळेश्वर येथे महाराष्ट्र पर्यटन विकास महामंडळाची १५ एकर जागा आहे. ही जागा विकसित करण्यासंदर्भात अनेक दिवसांपासून मंजुरी मिळाली आहे. मात्र काही किरकोळ कारणांमुळे काम सुरू झालेले नाही. सर्व कागदपत्रे नियमित आहेत. त्यामुळे हे प्रलंबित काम तत्काळ सुरू करण्याचे निर्देश मंत्री देसाई यांनी यावेळी दिले.
