फलटणचा ‘रणसंग्राम’: समशेरसिंह विरुद्ध अनिकेतराजे : पहा, कोणत्या प्रभागात कोणाला मिळाली किती मते?

। लोकजागर । फलटण । दि. २३ डिसेंबर २०२५ ।

संपूर्ण महाराष्ट्राचे लक्ष लागून राहिलेल्या फलटण नगरपरिषद निवडणुकीचा निकाल जाहीर झाला असून, भाजपने ऐतिहासिक विजयाची नोंद केली आहे. अत्यंत चुरशीच्या ठरलेल्या या निवडणुकीत नगराध्यक्षपदाचे भाजपचे उमेदवार समशेरसिंह नाईक निंबाळकर यांनी बाजी मारली आहे. त्यांनी शिवसेनेचे उमेदवार श्रीमंत अनिकेतराजे नाईक निंबाळकर यांचा पराभव करत फलटणच्या राजकारणाला नवी दिशा दिली आहे.

या विजयाने फलटणमधील जुनी राजकीय समीकरणे बदलली असून, माजी खासदार रणजितसिंह नाईक निंबाळकर यांच्या नेतृत्वात भाजपने शहरात मोठे यश संपादन केले आहे. समशेरसिंह यांना मिळालेले मताधिक्य हे शहराच्या विविध भागांतील मतदारांनी त्यांच्यावर दाखवलेला विश्वासाचे प्रतीक मानले जात आहे.

निवडणुकीच्या आकडेवारीचे सूक्ष्म विश्लेषण केले असता, काही प्रभागांमध्ये समशेरसिंह यांनी मोठी आघाडी घेतली, तर काही ठिकाणी श्रीमंत अनिकेतराजेंनी कडवी झुंज दिल्याचे दिसून येते. शहरातील कोणत्या प्रभागात मतदारांचा कौल नक्की कोणाकडे होता? कोणत्या भागात कोण सरस ठरले? आणि मतांचे हे गणित नक्की कसे जुळले? हे स्पष्ट करणारा प्रभागनिहाय सविस्तर तुलनात्मक चार्ट खालीलप्रमाणे आहे.